ចៅក្រមស៊ើបសួរទម្លាក់ចោលបទចោទលើមន្ត្រីអង្គការពន្លកខ្មែរ និងពលរដ្ឋឃុំប្រមេរមួយចំនួន

មន្ត្រីអង្គការសង្គមស៊ីវិល និងពលរដ្ឋជនជាតិដើមភាគតិចកួយឃុំប្រមេរមួយចំនួន បានរួចផុតពីការចោទប្រកាន់ហើយ ពាក់ព័ន្ធនឹងករណីបង្ខាំងគ្រឿងចក្រក្រុមហ៊ុនចិន កាលពីចុងឆ្នាំ២០១៤ កន្លងទៅ។ ទោះជាយ៉ាងណា ពលរដ្ឋខ្លះទៀតនៅតែប្រឈមមុខនឹងការកាត់ទោសដដែល ព្រោះចៅក្រមស៊ើបសួរតុលាការខេត្តព្រះវិហារ មិនព្រមទម្លាក់ចោលការចោទប្រកាន់លើពួកគាត់ឡើយ។