ក្រុងខេមរភូមិន្ទ ខេត្តកោះកុង៖ នាព្រឹកថ្ងៃទីដប់ប្រាំបួន ខែធ្នូ ឆ្នាំ២០២៣ ក្រុមការងារភីខេអេក ក្រោមអធិបតីភាពលោក មុំ រៀម ប្រធានក្រុមប្រឹក្សាភិបាលបានដឹកនាំកិច្ចប្រជុំឆ្លុះបញ្ចាំងប្រចាំឆ្នាំ២០២៣ សរុបអ្នកចូលរួម ១៨នាក់ ស្ត្រី៥នាក់។ ជាកិច្ចស្វាគមន៍ លោកស្រី ហេង ចន្ថាវី ប្រធានរដ្ឋបាល និងហិរញ្ញវត្ថុ បានបង្ហាញពីកម្មវិធីឆ្លុះបញ្ចាំង​រយៈពេលមួយព្រឹកពេញ ដូចខាងក្រោម៖ ជាកិច្ចចាប់ផ្តើម លោកប្រធានក្រុមប្រឹក្សាភិបាលបានមានមតិស្វាគមន៍ និងកោតសរសើរចំពោះកិច្ចខិតខំប្រឹងប្រែងរបស់បុគ្គលិក និងគណៈគ្រប់គ្រងដែលបានដឹកនាំនិងអនុវត្តផែនការយុទ្ធសាស្ត្រ៥ឆ្នាំរបស់ភីខេអេក ប្រកបដោយលទ្ធផលគួរអោយកត់សម្គាល់ ជាពិសេសការកៀងគរមូលនិធិសម្រាប់គាំទ្រស្ថាប័ន និងលើកទឹកចិត្តអោយមានសាមគ្គីភាពក្នុងចំណោមបុគ្គលិកតាមគម្រោងនីមួយៗ។​ ជាកិច្ចបន្ទាប់ លោក ប៉ឹក សោភ័ណ នាយកប្រតិបត្តិ បានមានមតិស្វាគមន៍ និងបង្ហាញគោលបំណងនៃកម្មវិធីឆ្លុះបញ្ចាំងប្រចាំឆ្នាំនៃការអនុវត្តគម្រោងកន្លងមក ដោយបានរំលឹកពីប្រវត្តិនៃការបង្កើតអង្គការពន្លកខ្មែរ តាំងពីឆ្នាំ២០០៥ ដោយស្ថាបនិក លោក អាង ជាតិឡោម និងបានចុះបញ្ជីនៅក្រសួងមហាផ្ទៃឆ្នាំ២០០៨។  លុះខែសីហា ឆ្នាំ២០១៩ លោក អាង ជាតិឡោម បានលាលែងពីនាយកប្រតិបត្តិ លុះដល់ ខែកញ្ញា ឆ្នាំដដែល លោក ប៉ឹក សោភ័ណ ត្រូវបានសមាជិកក្រុមប្រឹក្សាភិបាលតែងតាំងជានាយកគ្រប់គ្រងបន្តរហូតមកដល់បច្ចុប្បន្ន។ […]

តាមរយៈភាពជាដៃគូអភិវឌ្ឍន៍រវាងអង្គការ #ភីខេអេក និង #ដាយកូនៀ បុគ្គលិកអង្គការពន្លកខ្មែរបានទទួលវគ្គបណ្តុះបណ្តាលរយៈពេល៣ថ្ងៃ(១៩-២១ ខែកញ្ញា ឆ្នាំ២០២៣) ស្តីពីការវិភាគឧបករណ៍មិនបង្កទំនាស់ #DoNoHarm រៀបចំដោយគណៈកម្មាធិការសហប្រតិបត្តិការដើម្បីកម្ពុជា#CCC។ រយៈពេល៣ ថ្ងៃក្រុមបុគ្គលិកបានរៀនសូត្រ និងពិភាក្សាលំអិតទៅលើជំហានទាំង៧ ជាពិសេសចំណុចផ្តោតសំខាន់ៗ ទៅនឹងការអនុវត្តគម្រោងជាក់ស្តែងនៅក្នុងស្ថាប័ន៖ -វិភាគបរិបទដោយប្រើឧបករណ៍ (PESTEL,Problem Tree, Stakeholder) -កត្តាបាក់បែក និងកត្តាផ្សះផ្សារ -ការវិភាគលំអិត(ផ្ទះ១បង្អួច៥) -ការវិភាគដើម្បីកំណត់សណ្ឋានផលជះតាមរយៈការអនុវត្តគម្រោង -ការអនុវត្តជម្រើសដើម្បីកាត់បន្ថយទំនាស់

ថ្ងៃទី០១ ខែកញ្ញា ឆ្នាំ២០២៣ លោកនាយកប្រតិបត្តិបានដឹកនាំកិច្ចប្រជុំបុគ្គលិកប្រចាំខែកញ្ញា ដែលមានបុគ្គលិកគ្រួសារពន្លកខ្មែរចូលរួមសរុប១៧នាក់/ស្ត្រី៥នាក់ ដោយមានរបៀបវារៈសំខាន់ៗដូចខាងក្រោម៖ ១.បច្ចុប្បន្នភាពស្ថានភាពទូទៅ ២.ឆ្លុះបញ្ចាំងលទ្ធផលអនុវត្តន៍តាមគម្រោងនីមួយៗ និងបញ្ហាប្រឈមផ្សេងៗ ៣.របាយការណ៍ចំណាយសម្រាប់ខែកញ្ញា ៤.ផែនការបន្ត ៥.ផ្សេងៗ