ក្រុមការងារពន្លកខ្មែរ ជំនួបជាមួយលោកអគ្គរាជទូតចក្រភពអង់គ្លេសប្រចាំប្រទេសកម្ពុជា

អំឡុងពេលដំណើរទស្សនកិច្ចលើកដំបូងមកកាន់ខេត្តព្រះវិហារ របស់លោក អគ្គរាជទូតចក្រភពអង់គ្លេសប្រចាំប្រទេសកម្ពុជា #DominicWilliams នៅរសៀលថ្ងៃទី១៨ ខែឧសភា ឆ្នាំ២០២៣ លោកបានឆ្លៀតឳកាស​ដ៍មាន​តម្លៃជួបសំណេះសំណាលជាមួយក្រុមការងារអង្គការពន្លកខ្មែរ(#PKH) ដើម្បីស្វែងយល់ពីការបំពេញការងាររបស់អង្គការក្នុងស្រុក ជាពិសេស​អង្គការពន្លកខ្មែរ ដែលលោកយល់ថា បានធ្វើការយ៉ាងសកម្មជាមួយ​ពលរដ្ឋ​នៅមូលដ្ឋាន អំពីបញ្ហាប្រឈម លទ្ធផលកន្លងមក និង កិច្ចសហការ​នាពេលអនាគត។ ក្រោយពីជំនួប ចុងក្រោយ លោកបានថ្លែងអំណរគុណ​ចំពោះក្រុមការងារពន្លកខ្មែរ ដែលផ្តល់ឳកាសលោកអាចស្វែងយល់​បញ្ហា​សិទ្ធិមនុស្ស បញ្ហាដីធ្លី ព្រៃឈើ នៅក្នុងខេត្តព្រះវិហារ ក៍ដូចជាទូទាំង​ប្រទេស​កម្ពុជា។